தேமுதிகவினர் ஏழை எளிய மக்களுக்கு நலஉதவிகளை வழங்க வேண்டும் -கேப்டன்விஜயகாந்த் வேண்டுகோள்
#தேமுதிக #CaptainNews | #TamilNews
தன்னைப் போல் ஏழை எளிய மக்களுக்கு தங்களால் ஆன நலஉதவிகளை வழங்கி வறுமை ஒழிப்புத்தினமாக தமது பிறந்தநாளை தேமுதிகவினர் கொண்டாட வேண்டும் என தேமுதிக தலைவர் கேப்டன்விஜயகாந்த் வேண்டுகோள் விடுத்திருக்கிறார்
இதுதொடர்பாக அவர் விடுத்துள்ள அறிக்கையில் கடந்த2005 ஆம் ஆண்டு கழகம் தொடங்கப்பட்ட பிறகு 2006 ஆம் ஆண்டிலிருந்து ஒவ்வொரு வருடமும் தனது பிறந்தநாளை "வறுமை ஒழிப்பு தினமாக" கடைப்பிடித்து வருவதை சுட்டிக்காட்டியிருக்கிறார். தேசிய முற்போக்கு திராவிட கழகத்தின் நிர்வாகிகளும், தொண்டர்களும் என் வழியை பின்பற்றி அவர்களால் முடிந்த அளவிற்கு மக்களுக்கான நல உதவிகளை "இயன்றதைச் செய்வோம், இல்லாதவர்க்கே" என்ற கொள்கை முழக்கத்தோடு தொடர்ந்து, ஒவ்வோரு ஆண்டும் செய்து வருகிறார்கள் என்றும் இதன் மூலம் தமிழ்நாட்டில் உள்ள ஏழை, எளிய மக்கள் பயன்பெற்று, அவர்களின் வறுமையை ஒழிக்கும் முயற்சியில் தே.மு.தி.க. தொடர்ந்து பாடுபட்டு வருகிறது என்றும் குறிப்பிட்டுள்ள கேப்டன், வறுமை ஒழிப்பு என்பது மக்கள் இயக்கமாக மலர வேண்டும் என்பதே எனது குறிக்கோள் என தெரிவித்திருக்கிறார்
மேலும் கடந்த காலங்களில் முதியோர் இல்லங்களுக்கு தலா 1 லட்சம் ரூபாய் வீதம் தமிழ்நாட்டின் அனைத்து மாவட்டங்களுக்கும் 32 லட்சம் ரூபாய், ஈரோடு மற்றும் திருப்பூர் மாவட்டங்களில் 2 கோடியே 75 லட்சம் ரூபாய் மதிப்புள்ள வீட்டு மனை நிலங்கள் இலவசமாகவும், காஞ்சிபுரம் மாவட்டம் மாமண்டூரில் 20 லட்சம் ரூபாய் மதிப்பில் இலவச திருமண மண்டபமும், பெண் சிசுக் கொலையை தடுத்திட "பெண்கள் நாட்டின் கண்கள்" என்ற திட்டத்தின் மூலம் சுமார் 500 பெண் குழந்தைகளுக்கு அவர்களின் திருமண வயதில் தலா இரண்டு லட்சம் ரூபாய் கிடைக்கும் வகையில் 50 லட்சம் ரூபாய் வைப்பு நிதியாகவும், லட்சக்கணக்கான மாணவ, மாணவியர் பயன்பெறும் வகையில் 1 கோடியே 50 லட்சம் ரூபாய் மதிப்பில் தமிழகத்தில் 60 இடங்களில், 600 கணினிகள் கொண்ட கேப்டன் இலவச கணினி பயிற்சி மையமும், ஏழைத் தாய்மார்கள் சுயதொழில் செய்வதற்காக 65 லட்சம் ரூபாய் மதிப்பில் 1300 தையல் இயந்திரங்களும், ஏழை சகோதரிகளின் திருமணத்திற்கு உதவிகளும், மாற்றுத் திறனாளிகளுக்கு மூன்று சக்கர சைக்கிள்களும், காது கேட்கும் கருவிகளும், சலவைத் தொழிலாளர்களுக்கு சலவை பெட்டிகளும், மாணவ, மாணவிகளுக்கு கல்விக் கட்டணங்களும், பள்ளிக் குழந்தைகளுக்கு சீருடைகளும், நோட்டுப் புத்தகங்களும் வழங்கிவருவதாக கேப்டன் தெரிவித்துள்ளார். இந்த உதவிகளை பெற்று படித்து, பட்டம் பெற்று பலரும் பல்வேறு உயர்பதவிகளில் இருப்பதாக அவர் பெருமிதத்துடன்கூறியிருக்கிறார்.
தமிழ்நாடு முழுவதும் உள்ள மாற்றுத்திறனாளிகளில் சுமார் 100 பேரை தேர்வு செய்து, அவர்களுக்கு பயன்படும் வகையில் மாவட்ட நிர்வாகிகள் மற்றும் தொண்டர்களின் ஆதரவுடன் சுமார் 65 லட்சம் ரூபாய் மதிப்பிலான நான்கு சக்கரம் பொருத்திய மோட்டார் சைக்கிள் வாகனங்களையும், தமிழகம் முழுவதும் வறுமை நிலையில் உள்ள சுமார் ஆயிரம் நலிவுற்ற குடும்பங்களை தேர்வு செய்து ஒவ்வொரு குடும்பத்திற்கும் தலா பத்தாயிரம் வீதம் சுமார் ஒருகோடி ரூபாயும், செம்மரக்கட்டை வெட்டியதாக ஆந்திரா வன பகுதியில் சுட்டுக்கொல்லப்பட்ட 20 தமிழர்களின் குடும்பங்களை நேரில் சந்தித்து 10 லட்சம் ரூபாயும், 2015 ஆம் ஆண்டு ஆகஸ்ட் முதல் நவம்பர் வரை "மக்களுக்காக மக்கள் பணி" என்ற திட்டத்தின் மூலம் ஏற்கனவே 2012ஆம் ஆண்டில் செய்ததைப்போல தமிழ்நாட்டில் ஒவ்வொரு மாவட்டத்திலும் தலா 20 லட்சம் ரூபாய்க்கும் அதிகமாக நல உதவிகளை ஏழை, எளிய மக்களுக்கு வழங்கி உள்ளதையும் அவர் எடுத்துக்காட்டயிருக்கிறார். அதேபோல் கடந்த வருடம் 234 தொகுதிகளிலும் 32 லட்சம் ரூபாய் மதிப்புள்ள, 2,50,000 மரக்கன்றுகள் பசுமை தமிழகம் திட்டத்தின் மூலம் நடப்பட்டுள்ளதையும் விவசாயிகள் மற்றும் நலிவுற்ற ஏழை எளிய 100 குடும்பங்களுக்கு தலா 18,000 ரூபாய் காப்பீட்டு திட்டத்தில் வைப்பு நிதியாக வங்கியில் செலுத்தப்பட்டுள்ளதையும் கடந்த ஆண்டு புயல் வெள்ளத்தால் பாதிக்கப்பட்ட கேரளா மாநில மக்களுக்கு உதவும் வகையில் தேசிய முற்போக்கு திராவிட கழகத்தின் அனைத்து மாவட்ட கழகத்தின் சார்பாக நிவாரண பொருட்கள் 1 கோடி ரூபாய் மதிப்புள்ள அத்தியாவசிய பொருட்கள் வழங்கப்பட்டதையும் கேப்டன் நினைவுகூர்ந்துள்ளார். வழக்கம் போல் இந்த ஆண்டும் தமிழகமுழுவதும் தே.மு.தி.க.வின் அமைப்புரீதியான 68 மாவட்டங்களில் உள்ள ஆரம்ப சுகாதரா மையத்திற்கு சுமார் 1 கோடியே 50 லட்சம் ரூபாய் மதிப்பில் 1500 சுத்திகரிக்கப்பட்ட தண்ணீர் வழங்கும் இயந்திரம் வழங்கப்படும் என கேப்டன் அறிவித்துள்ளார். மேலும் புரட்சித் தலைவர் எம்.ஜி.ஆர். காது கேளாதோர் பள்ளிக்கு ஆண்டுதோறும் மதிய உணவு மற்றும் நிதியுதவியாக 50 ஆயிரம் ரூபாய் இந்த ஆண்டும் வழங்கப்பட்டுள்ளதாக கேப்டன் தெரிவித்துள்ளார்இதுபோன்று பலநலஉதவிகளை கழக நிர்வாகிகளும், கழகத்தொண்டர்களும் ஏழை, எளிய மக்களுக்கு இந்த வறுமை ஒழிப்புதினத்தில் செய்யவேண்டுமென கேப்டன் கேட்டுக்கொண்டுள்ளார். ஒரு நல்ல எதிர்காலம் தமிழ்நாட்டு மக்களுக்கு அமைய தான் உறுதிபூண்டுள்ளதாகவும் தன்னைப் போல் கழக நிர்வாகிகளும், தொண்டர்களும் எனது பிறந்த நாளில் சூளுரை மேற்கொள்ள கேப்டன் அழைப்பு விடுத்துள்ளார். தமிழக மக்கள் மனதில் தேமுதிகவினர் நீங்கா இடம்பிடித்துள்ளார்கள். அதற்காக தமிழக மக்களுக்கும், தாய்மார்களுக்கும், தேமுதிக நிர்வாகிகளுக்கும், தொண்டர்களுக்கும் என்றென்றும் நான் கடமைப்பட்டுள்ளேன். அதே நேரத்தில் தமிழக மக்கள் தங்கள் நல்ஆதரவையும், ஒத்துழைப்பையும் தொடர்ந்து வழங்கிட வேண்டுமென தேமுதிக தலைவர் கேப்டன் விஜயகாந்த் கேட்டுக்கொண்டுள்ளார்
Like: https://www.facebook.com/Captainnewstv
Follow: https://twitter.com/captainnewstv
Web: http://www.captainnews.net
தேமுதிகவினர் ஏழை எளிய மக்களுக்கு நலஉதவிகளை வழங்க வேண்டும் -கேப்டன்விஜயகாந்த் வேண்டுகோள் தேமுதிக சார்பில் | |
| 92 Likes | 92 Dislikes |
| 3,478 views views | 133K followers |
| News & Politics | Upload TimePublished on 24 Aug 2019 |
Không có nhận xét nào:
Đăng nhận xét